Xixón al día

Etiqueta: sucesos

  • Un mancáu nun accidente de tráficu en Salas

    Un mancáu nun accidente de tráficu en Salas

    Una persona resultó mancada de considerancia en saliéndose de la vía col vehículu que conducía y cayer por un desnivel d’unos 100 metros en Brañasevil, en Salas. El mancáu, un varón de 31 años d’edá, foi evacuáu al Hospital Universitariu Central d’Asturies (HUCA), n’Uviéu, nel helicópteru medicalizáu del SEPA (Serviciu d’Emerxencies del Principáu d’Asturies). Por cuenta de más pruebes y hasta nueva valoración médica presentaba politrauma de pronósticu reserváu.

    L’home salió despidíu del vehículu en cayendo unos 100 metros pola turria. El touterrén entornó nun regatu, al fondu d’un prau, 100 metros más abaxo d’onde s’alcontró al afectáu. Foi atendíu nel llugar del accidente pola médica-rescatadora que-y alministró analxesia intravenosa ya inmovilizólu con férula espinal y collarín cervical y amás asitió-y una férula nuna pierna onde se-y diagnosticó quebra de fémur.

    L’home foi treslladáu al helicópteru por aciu una operación de grúa na que s’esplegaron 35 metros de cable. El Centru de Coordinación d’Emerxencies recibió l’avisu a les 11.40 h hores. Na llamada, realizada por familiar, señalaben qu’el mesmu afectáu punxérase en contactu para indica-y qu’entornara col touterrén que conducía y tenía una pierna quebrada. Nun taba atrapáu porque saliera despidíu. La Sala 112 del SEPA movilizó l’helicópteru medicalizáu y una dotación de bomberes del parque de Tinéu y paralelamente pasó l’avisu al Serviciu d’Atención Médica Urxente. Amás informóse a la Guardia Civil.

  • Un trabayador, grave en resultando atrapáu por una máquina

    Un trabayador, grave en resultando atrapáu por una máquina

    Un trabayador resultó mancáu grave en resultando atrapáu por una máquina, en circunstancies que se desconocen, nun llagar de Villaviciosa. Según los datos facilitaos pol Serviciu d’Atención Médica Urxente (SAMU) l’afectáu, un varón de 64 años d’edá, presentaba brazu catastróficu y traumatismu torácicu. Por cuenta de más pruebes y hasta nueva valoración médica’l so pronósticu ye grave. El mancáu foi atendíu nun primer momentu pola médicu y les enfermeres del equipu d’Atención Primaria de Villaviciosa y darréu pola médica-rescatadora del Grupu de Rescate del Serviciu d’Emerxencies del Principáu d’Asturies (SEPA).

    La médicu-rescatadora alministró-y sedación y analgesia intravenosa y asitió-y una férula d’inmovilización nel brazu. Darréu foi evacuáu nel helicópteru medicalizáu del SEPA al Hospital Universitariu Central d’Asturies (HUCA) n’Uviéu. El trabayador tuvo que ser lliberáu de la máquina onde quedu atrapáu pel brazu. Los bomberos cortaron la cinta tresportadora para poder lliberar de los rodiellos onde quedó atrapáu.

    El Centru de Coordinación d’Emerxencies del 112 Asturies recibió l’avisu a les 08.44 hores. Na llamada indicaben qu’una máquina atrapara a un trabayador y taba mancáu. La Sala 112 del SEPA pasu l’avisu al SAMU qu’unvió amás del equipu d’Atención Primaria una ambulancia convencional y movilizar una dotación de bomberes del parque de Villaviciosa. Tamién se sollertó a la Policía Local, a la Guardia Civil y a l’autoridá llaboral competente.

    Énte la posible gravedá de les feríes el SAMU solicitó la intervención del helicópteru medicalizáu del SEPA y del Grupu de Rescate. A les 09.10 hores los bomberos comuniquen que’l trabayador fuera lliberáu y taba siendo atendíu pol equipu sanitariu. A les 09.53 hores el Grupu de Rescate indica que sale hacia’l HUCA col mancáu.

  • Detenida una conductora por cuadruplicar la tasa d’alcoholemia

    Detenida una conductora por cuadruplicar la tasa d’alcoholemia

    Una conductora de 49 años d’edá foi detenida esta madrugada por cuadruplicar la tasa d’alcoholemia. M. C. P. S., de 49 años d’edá y vecina de Xixón, salióse de la vía y quedó sobro la barandiella de seguridá de la ponte asitiada sobro l’A-8. Los fechos tuvieron llugar de magar les 3:10 hores. Cuando los axentes de la Policía Local aportaron al llugar, decatáronse de que la conductora, que seguía nel vehículu, presentaba síntomes d’atopase so la influencia de bébores alcohóliques.

    Una vegada en dependencies policiales realizáronse-y pruebes de detección alcohólica, refundiando una resultancia que casi cuadruplicada la tasa d’alcoholemia. El vehículu foi retiráu ya inmovilizáu nel Depósitu Municipal y les dilixencies sobro’l supuestu delitu unviaes al xuez de guardia.

  • Muerre un camioneru nun accidente que zarró más de dos hores el Güerna

    Muerre un camioneru nun accidente que zarró más de dos hores el Güerna

    Un camioneru finó n’entornando’l camión que conducía al altor del puntu kilométricu 87 de la AP-66, en sentido Asturies, nel conceyu de Ḷḷena. Según los datos facilitaos pol Serviciu d’Atención Médica Urxente (SAMU) el fallecíu ye un varón de 52 años d’edá. Los servicios sanitarios movíos al llugar, equipu médicu de la UVI-móvil de Mieres namás pudieron confirmar el so fallecimientu.

    Los restos mortales del fináu tuvieron que ser escarcelaos por efectivos de Bomberos del Serviciu d’Emerxencies del Principáu d’Asturies (SEPA), con base nos parques de Mieres y Llamorgal. Los bomberos tuvieron qu’asitiar coxinos d’alta presión para llevantar la cabina y poder abrir buecu para estrayer al conductor. Para llevar a cabu la escarcelación los bomberos tuvieron que poner l’equipu de respiración autónoma cuidao que el camión tresportaba sosa caústica en paquetes y ácidu sulfúrico.

    Los restos mortales del fináu tuvieron que ser escarcelaos de la cabina

    El Centru de Coordinación d’Emerxencies del 112 Asturies recibió al avisu a les 06.23 hores. Na llamada señalaben qu’un camión entornara na autopista. Desconocíase lo que tresportaba y si había persones mancaes. Minutos dempués dende la empresa concesionaria de l’autopista indiquen que tienen cerrada l’autopista y que’l camión nun tresporta mercancíes peligroses anque finalmente confírmase que si lo ye. Añeden que’l camioneru ta atrapáu y que’l tráiler cutió a una máquina quitanieves. Ta entornáu na mediana.

    La Sala 112 del SEPA moviliza a bomberos del parque de Mieres y otra dotación dende’l parque de La Morgal. A les 06.57 hores confirmen que’l conductor ta atrapáu y empecipien llabores d’escarcelación. A les 08.03 informen que yá escarcelaron al conductor que ta fináu. Amás d’activar a los bomberos comunicóse lo asocedío al SAMU qu’unvió los medios yá citaos y a la Guardia Civil de Tráficu que se fixo cargu de los trámites para proceder al llevantamientu del cadabre. A les 08.33 hores los bomberos del parque de Llamorgal retiren del incidente para tornar a la so base y pocu dempués facer la dotación movida dende Mieres.

  • Un mancáu nuna carrera de monte en Sobrescobiu

    Un mancáu nuna carrera de monte en Sobrescobiu

    Efectivos d’emerxencies rescataron a bordu del helicópteru medicalizáu a un corredor que taba participando nuna carrera de monte y que resultó mancáu nun todíu. El sucesu tuvo llugar ente’l picu Cogollu y Trapa, en Ruseco, Sobrescobiu. L’afectáu, que presentaba un traumatismu nel todíu derechu, foi sacupáu al Hospital Universitariu Central d’Asturies (HUCA).

    El Centru de Coordinación d’Emerxencies recibió l’avisu a les 11:13 hores. Na llamada indicóse qu’una persona mancárase nun todíu y onde s’atopaba nun había accesu rodáu pa vehículos. De momentu movilizóse al equipu de rescate de Bomberos del SEPA, a bordu de l’aeronave medicalizada.

    Una vegada na zona y n’aterrizando nun espaciu cercanu al corredor mancáu, l’equipu aportó hasta l’afectáu que permanecía acompañáu por otres persones. La médica-rescatadora alministrólu analgesia y dio en la inmovilización de la estremidá que presentaba una posible quebra. Pa ello asitió-y una férula enchible y una férula ríxida. Los integrantes del grupu de rescate, cola collaboración de les persones presentes, ayudaron al afectáu a aportar hasta l’aeronave. Una vegada a bordu dar en el so treslláu al HUCA.

    L’equipu de rescate dio per rematada la intervención a la so llegada a base, a les 12:37 hores. La sala del 112 del SEPA informó del sucesu a la Guardia Civil y al Serviciu d’Atención Médica Urxente (SAMU).

  • Detenida por conducir bebida cola so fía menor nel vehículu

    Detenida por conducir bebida cola so fía menor nel vehículu

    La Policía Local sorprendió esta fin de selmana a seis conductores superando les tases d’alcohol en sangre permitíes. Cuatro d’ellos fueron denunciaos administrativamente y dos deteníos y puestos a disposición xudicial. Unu d’ellos foi una muyer. La conductora atopábase torgando’l pasu d’un furgón na confluencia de les cais Espronceda y Colón, lo que provocó retenciones na zona. Cuando los axentes se dirixeron al turismu que colapsaba la circulación, ésti ponse en marcha y ye interceptáu poco dempués.

    Al dirixise a la conductora los axentes decatáronse de que presentaba signos inequívocos d’atopase so los efectos del alcohol, polo que ye sometida a la prueba d’alcoholemia. Dio positivu polo que foi treslladada a dependencies policiales pa instruyir dilixencies per delitu contra la seguridá vial. Al pie de la detenida, A.G.G. de 37 años y vecina de Xixón, viaxaba nel asientu delanteru del vehículu, la que dixo yera la so fía de diez años.

    Per otru llau, realizáronse 4 actes d’ocupación d’armes y 3 de drogues na vía pública. Coles mesmes denuncióse a 4 establecimientos públicos por non presentar llicencia municipal d’apertura o por entepasar de llindar de la mesma.

  • Una incendiu xamusca una habitación d’una vivienda en Piloña

    Una incendiu xamusca una habitación d’una vivienda en Piloña

    Un incendiu quemó esta madrugada la chimenea y xamuscó per completu una habitación d’una vivienda asitiada en La Vega, nel conceyu de Piloña. El Centru de Coordinación d’Emerxencies recibió l’avisu a les 2:42 hores. Na llamada indicóse que taba quemando una chimenea n’una casa de dos plantes. Darréu movilizóse a tres efectivos de Bomberos del SEPA del parque de Piloña que se treslladaron col vehículu Defender y la autobomba urbana llixera.

    Cuando llegaron a la zona, los bomberos empezaron coles xeres d’estinción de la quema. Un vecín del llugar tuviera intentando frenar el fueu con una manguera. La quema afectaba por completu a la chimenea y a una habitación de la primer planta. Los efectivos de bomberos dieron per controlada la quema a les 3:21 hores. El fueu xamuscó per completu una habitación y afectó al suelu del desván.

    Los efectivos saniaron la chimenea y desescombraron. Cola cámara d’imaxes térmiques comprobaron que nun quedaren puntos calientes. La dotación de bomberes dio per rematada la intervención a la so llegada a base, a les 5:49 hores. La sala del 112 del SEPA informó del incidente a la Guardia Civil y al Serviciu d’Atención Médica Urxente (SAMU).

  • Tres afectaos pol incendiu d’un pisu en Mieres

    Tres afectaos pol incendiu d’un pisu en Mieres

    Efectivos de bomberos escastaron una quema declarada na habitación d’una vivienda asitiada nel segundu pisu d’un inmueble de Santullano, Mieres. Dos persones tuvieron que ser rescataes del interior del edificu. Dambos atopábense na quinta y última planta del inmueble, allugáu nel númberu 10 de la cai La Estación. Mientres parte de los efectivos empecipiaben les xeres d’estinción otros realizaben la evacuación de los dos afectaos. L’inmueble y l’escalera taba llena de fumu polo que los bomberos asitiáron-yos a dambos los equipos de respiración autónoma.

    Los dos afectaos, un varón de 45 años d’edá y una muyer de 69 años, fueron treslladaos por prevención y para más pruebes al hospital Álvarez Buylla. A este mesmu hospital tamién se treslladó una muyer de 18 años d’edá que sufrió una crisis d’ansiedá. Los trés fueron atendíos polos equipos médicos de Mieres y Llangréu. Hasta’l llugar tamién se movió l’ambulancia de soporte vital básicu de la zona.

    La quema xamuscó’l cuartu onde s’anició la quema y el restu de la vivienda resultó afectada pol fumu y poles temperatures alcanzaes. Una vegada apagáu el fueu los bomberos empecipiaron les xeres de desescombru y ventilación.

  • Rescaten a tres senderistes desorientaos en Cangües d’Onís

    Rescaten a tres senderistes desorientaos en Cangües d’Onís

    Trés senderistes fueron rescataos esta nueche al desorientase cuando realizaben una ruta de monte en dirección a Següencu, en Cangues d’Onís. Los trés afectaos, trés varones de 65, 68 y 73 años d’edá, fueron alcontraos en perfectu estáu a les 23.43 hores d’ayeri xueves. Los rescatadores acompañáronlos caminando hasta’l llugar onde dexaran aparcáu’l so vehículu y onde llegaron a la 01.20 hores de güei.

    El Centru de Coordinación d’Emerxencies del 112 Asturies recibió l’avisu a les 18.10 hores d’ayeri xueves. Nella señalaben que yeren un grupu de trés persones que s’atopaben nuna pradería arrodiaos de carbes y que por cuenta de la borrina taben desnortiaos. Nel intre de la llamada señalen que llevantó la borrina que yá ven el camín y nun precisen nada.

    A les 19.03 hores vuelven llamar señalando que tan toos bien y que se volvieron perder porque baxó la borrina. Unvien coordenaes d’allugamientu y pónse-yos en contactu col Grupu de Rescate que los indiquen que según información que facilitaron tán cerca del ríu les Mestes que baxa a Orandi y Cuadonga. Coles indicaciones realizaes señalen que nun s’atreven a siguir.

    Nesi momentu movilízase per tierra al Grupu de Rescate. A les 21.00 hores informen que tán na carreterina de Següencu. Quéden-yos delles mayaes y hai poca cobertoria móvil polo que les comunicacioens pueden ser complicaes. A les 23.43 señalen qu’alcontraron a los senderistes y que van empecipiar el descensu con ellos. A les 01.20 hores déxenlos onde’l vehículu. L’incidente comunícase a la Guardia Civil y a los 112 de Cantabria y Castiella y Llión.

  • Multáu con mil euros por conducir bebíu un patinete eléctricu

    Multáu con mil euros por conducir bebíu un patinete eléctricu

    Un varón de 51 años d’edá foi denunciáu esti martes en sufriendo una cayida cuando circulaba pola cai Salvador Allende nun patinete d’arriendu. L’afectáu esplicó a la Policía Local que l’accidente producióse pola maniobra d’un turismu. Sicasí nun pudieron apreciase nicios, nel llugar de los fechos, que dieren validez a esta afirmación.

    Los axentes sí repararon que l’home presentaba síntomes d’atopase so la influencia de bébores alcohóliques, fechu qu’acotaron al realiza-y la prueba d’alcoholemia. Finalmente, el conductor tuvo que ser treslladáu al Hospital de Cabueñes poles feríes causaes na cayida y foi denunciáu administrativamente con una multa de 1.000 euros ensin retirada de puntos.