El presidente anuncia que’l gobiernu d’Asturies, el Conceyu d’Uviéu y l’Executivu central van roblar el vienres en Madrid l’alcuerdu sobro’l futuru de los terrenes de la fábrica d’armes de A Veiga.
El presidente Adrián Barbón aseguró güei que’l Gobiernu d’Asturies aspira a llograr l’aprobación d’un presupuestu «social y progresista” pa 2023, que respuenda a les necesidaes de la mocedá, facilite la xestión de los fondos europeos y dexe tomar midíes énte’l retu demográficu.
“Les cuentes tendrán de reflexar una discriminación positiva pa aquelles zones en riesgu de despoblamientu, tantu pa frenar la perda d’habitantes como pa favorecer la natalidá, non namás con ayudes directes, sinón tamién con nueves deducciones, porque se trata d’una de les cuestiones más importantes pa la nuesa tierra”, esplicó.
Al respective de la mocedá, comprometióse a dar prioridá a esti sector de la población por aciu l’aprobación de la Estratexa d’Activación Xuvenil, col fin d’impulsar acciones qu’ufierten respuestes a los sos problemes. Igualmente, defendió l’aumentu de l’actual ufierta de Formación Profesional, “que yá ye una de les más amplies d’España”; la concesión d’ayudes al arriendu nuevu y la convocatoria del bonu cultural.
El xefe del Executivu ufiertó una rueda de prensa pa facer balance de la llexislatura, con motivu del tercer aniversariu de la so toma de posesión. Mientres la so intervención, repasó los principales llogros d’Asturies, “marcaos por un fuerte impulsu tresformador”, y tamién los propósitos para los meses “d’intensu trabayu” que resten hasta’l final del mandatu.
Ente los oxetivos del so gabinete pa los próximos diez meses, citó la necesidá de “siguir ganando batalles a la burocracia”, con lleis como les calidable ambiental y empléu públicu; avanzar nel afitamientu de los derechos del colectivu LGTBI y fortalecer l’apuesta pola investigación y l’innovación al traviés de l’Axencia de Ciencia, Competitividá Empresarial ya Innovación. Tamién apostó por aprovechar tol potencial turísticu, económicu y loxísticu que va suponer la puesta en serviciu de la variante ferroviaria de Payares en mayu 2023.
Amás, sorrayó que’l Gobiernu d’Asturies va siguir amosándose “absolutamente esixente” énte l’Executivu central pa protexer los intereses y derechos del Principáu. “Aportuno, pa mi, Asturies ye lo primero”, manifestó.
Nel ámbitu sanitariu, espresó la voluntá del Executivu de siguir ameyorando l’atención primaria, cola definición d’una estratexa específica para esta rede y la construcción de nuevos centros como los de Sotrondio (Samartín del Rei Aurelio) o Nuevu Roces (Xixón), lo mesmo que de favorecer el relevu xeneracional nel sistema de salú.
“Vamos executar l’ampliación del Muséu de Belles Artes y vamos siguir trabayando na coordinación cultural y nos destinos turísticos intelixentes, de la que vamos impulsar nuevos equipamientos educativos, como’l IES Rei Pelayo, de Cangues d’Onís, o’l IES de La Corredoria, n’Uviéu”, añedió.
Per otra parte, el presidente anunció que’l próximu vienres el Gobiernu d’España, el d’Asturies y el Conceyu d’Uviéu van cerrar definitivamente l’alcuerdu sobro los terrenes de l’antigua fábrica d’armes de La Vega. “Vamos poner negro sobro blanco’l futuru pa un equipamientu llargu tiempu demandáu pol conceyu y por esti gobiernu, que va significar un antes y un dempués”, afirmó.
“El Gobiernu d’Asturies va trabayar apurriendo daqué que güei demanda la ciudadanía: estabilidá, esperiencia y esperanza”, remató.
