El Gobiernu d’Asturies aprobó güei el Plan de Salú, Seguridá y Medioambiente Llaboral 2022-2027, qu’escuerre rebaxar la siniestralidá y ameyorar les condiciones de les persones trabayadores na comunidá. El testu va unviase agora a la Xunta Xeneral pa la so tramitación parlamentaria.
El documentu, ellaboráu en collaboración colos principales axentes sociales, afonda nos cambeos que provocó l’andanciu nes redolaes llaborales, tales como la xeneralización del teletrabayu, la falta de desconexón dixital y la carga físico y mental, qu’en gran midida inciden nel deterioru de la salú. Tamién detalla los distintos tipos de riesgu psicosocial (estrés, acoso, discriminación o violencia). Una vegada analizaos toos estos factores, plantega oxetivos prioritarios y tresversales que se concreten en 39 llínees d’actuación y qu’empresten especial atención a los colectivos vulnerables: población llaboral avieyada, sectores con elevada siniestralidá, etcétera, cola cuenta d’identificar la so esposición a los riesgos y embrivir el so impactu.
La perspectiva de xéneru como elementu tresversal destaca ente los principios rectores del testu, que toma en cuenta les diferencies biolóxiques y les desigualdaes sociales pa evaluar los posibles peligros a los que s’enfrenten les muyeres.
Los siete propósitos prioritarios del plan son los siguientes:
- Amenorgamientu de los accidentes de trabayu Pa cumplir con esti fin impulsaránse la investigación, la prevención y la seguridá llaboral vial, por aciu estudios de siniestralidá, visites a empreses y acciones de sensibilización, ente otres midíes.
- Detección de riesgos hixénicos.Va evaluase la esposición a materiales como l’amiantu, los axentes canceríxenos y los axentes físicos y van desenvolvese campañes específiques de prevención.
- Amenorgamientu de les enfermedaes profesionales. El documentu apuesta pola investigación d’estes patoloxíes y l’estudiu de los cánceres d’orixe llaboral en ñariz, farinxe, farinxe y senos nasales y paranasales.
- Prevención de riesgos psicosociales. El Principáu va promover protocolos d’actuación énte situaciones de violencia interna nel trabayu pa determinar la meyor manera d’encarales. Tamién va ellaborar xuna guía emponedora sobro’l teletrabajo.
- Amenorgamientu de trastornos musculoesqueléticos. Van estudiase les distintes variables del parte de los accidentes de trabayu por sobreesfuerzo, según la so evolución nel tiempu. Coles mesmes, van definise los colectivos específicos más espuestos a estos riesgos.
- Riesgos en grupos especialmente vulnerables. Esti apartáu engloba el fomentu de la cultura preventiva ente profesionales autónomos, la xestión de la edá na redolada llaboral y la selección d’una serie d’actividaes feminizadas, pol altu porcentaxe de muyeres que componen les plantiyes, col propósitu d’ameyorar el control de la salú d’esti grupu de población.
- Vixilancia de la salú. Van promovese exames específicos en función de los riesgos esistentes nos puestos de trabayu para detectar síntomes precoces d’enfermedá y proponer midíes preventives.
Los recursos del Institutu Asturianu de Prevención de Riesgos Llaborales, recoyíos cada añu nes lleis de presupuestos xenerales del Principáu, van dexar acometer estes iniciatives
En el último lustro, el número anual de accidentes de trabajo se ha mantenido en Asturias por encima de los 10.000, a excepción de 2020, probablemente por la paralización de la actividad no esencial como consecuencia de la crisis sanitaria.
Nel últimu llustru, el númberu añal d’accidentes de trabayu caltúvose n’Asturies percima de los 10.000, sacante 2020, probablemente pola paralización de l’actividá non esencial de resultes de la crisis sanitaria.
Promoción de la salú y protección de los consumidores
L’Executivu aprobó un gastu de 935.000 euros pa la convocatoria de sovenciones a entidaes locales, per parte de la Conseyería de Salú, en réxime de concurrencia competitiva. Los fondos van distribuyir en dos llínees estremaes:
- Desenvolvimientu de planes o programes municipales de promoción de salú y bienestar de la comunidá: 825.000 euros.
- Promoción y desenvolvimientu de la protección de consumidores y usuarios: 110.000 euros.
El gobiernu de Asturies amonta esti añu en 25.000 euros la partida destinada a ayudes para programes de promoción de la salú y bienestar na comunidá, lo que va contribuyir a fomentar la meyora de la calidá de vida de la población nel ámbitu municipal y supramunicipal, de la que s’implica al texíu social. Estes subvenciones dexen xenerar empleos directos, principalmente n’organizaciones non gubernamentales, asociaciones ensin ánimu d’arriquecimientu y empreses del tercer sector, según nos mesmos conceyos qu’impulsen los planes.
L’añu pasáu, beneficioaronse de los fondos 40 conceyos y 4 mancomunidaes. El gastu aprobáu güei pol Conseyu de Gobiernu garantiza la continuidá de les iniciatives de prevención y salú pública que desenvuelven estes alministraciones con resultancies bien positives.
La partida destinada a la promoción y desenvolvimientu de la protección de el consumidores sofita iniciatives como campañes, edición de folletos o actuaciones d’inspección, empobinaes a la formación de la ciudadanía por que conoza meyor los sos derechos.
Fomentu de les llingües propies
El Conseyu de Gobiernu aprobó güei el decretu pol que se crea y regula la composición, organización y competencies de la Rede de Normalización Llingüística. Esti órganu colexáu, d’adhesión voluntaria, constitúyese para coordinar los proyectos y actividaes de los Servicios de Normalización Llingüística del Principáu, col fin de fomentar l’usu de les llingües propies: l’asturianu y el eonaviego.
Ente los sos cometíos figuren l’asesoramientu a les alministraciones públiques, la planificación de cursos de llingua asturiana y eonaviego, la collaboración en procesos selectivos nos que s’evalúen conocencies llingüístiques, velar pol cumplimientu de la lexislación nel so ámbitu de competencia, espublizar una imaxe positiva de les llingües propies.
