La nueche del vienres foi lluviosa enforma, d’eses nueches nes que paez que tamos somorguiaos nel iviernu más duru, anque seya mayu. Sicasí, somorguiaos tamién tres la subidoria que dan pasu a la sala La Subterránea Tizón, Pablo und Destruktion ufrieron un conciertu que foi l’abellugu perfectu nuna nueche de perros.
Un poco más tarde de les 21:30 hores, con una sala qu’ente cerveces y conversaciones aguardaba l’entamu del espectáculu, Pablo y la so banda salieron al escenariu a defender los temes del so últimu LP, «Ultramonte», acompañaos de dalgunos yá clasicos del so repertoriu, como «Gijón», un cantar que define a la perfección el barriu de Cimavilla y ún de los sos iconos, Rambal; pero tamién dellos, otros como «Limonov, desde Asturias al infierno».
Nuna nueche na que l’agua enllenaba too, Pablo und Destruktion llenó’l Tizón faciendo de cada cantar una anécdota, d’un aniversariu una gran fiesta de la música y de la cultura. Porque non solo foi momentu de guitarres y sintetizadores: la tonada asturiana tuvo tamién el so momentu con Pablo xubíu no más alto de la sala. Nuna nueche na que l’agua enllenaba too, la banda asturiana enllenó l’alma de los xixoneses. Y, amás, La Subterránea Tizón tien cultura y celebración pa bien de tiempu.
Pablo Und Destruktion punxo, como diz el so cantar, la medaya d’oru al aniversariu de la sala. Eso sí, ensin siguir caún el so camín, porque tán condergaos a realcontrase nel mundu de la música.
