Garrar un teléfonu y llamar inclusive a la otra punta del mundu. Un exerciciu qu’anguaño paez de lo más normal nun yera asina al empiezu del sieglu XX. Más, bien facer esto yera imposible, como tamién lo yera llamar, por casu, ente Xixón y La Pola o Sama de Llangréu.
Foi nel mes d’abril del añu 1906 cuando aportó a Xixón el teléfonu interurbanu, un conceptu que nos paez imposible nestos díes nos que tamos arrodiaos de tecnoloxía. El Comercio, decanu de la prensa asturiana, cuntaba asina la noticia de que yá se podía llamar a Xixón a otros puntos d’Asturies:
Dende’l día 20 va quedar abierta al serviciu públicu la llinia telefónica interurbana de Xixón a La Pola Siero y Sama, pudiendo dichos puntos celebrar conferencies y cruciar telefonemes. En breve, tal como rematen les reparaciones ente Siero y Uviéu van xunise esta, Mieres y Trubia. (…) La tarifa aplicable a los telefonemes va ser la mesma que la de los telegrames; la de conferencies y servicios especiales va ser la siguiente:
- A La Pola Siero, Sama y Uviéu, 0,50 pesetes cada 3 minutos o fracción.
- A Trubia y Mieres, 075 pesetes cada 3 minutos prorrogables per periodos indivisibles d’igual tiempu.
