Güei llega’l momentu más esperáu de tol públicu, qu’espera con enganía l’empiezu d’esta novena edición de Metrópoli, un eventu cargáu d’actividaes pa tolos públicos, que va estrenar xunetu na cortil Luis Adaro de Xixón.
Ayeri a les 13.00 hores llevóse a cabu na Sala Mirador del Palaciu de Congresos, la presentación oficial de lo que promete ser la edición más completa de toles que lleva Metrópoli, hasta’l momentu.
Un actu nel que participaron el conceyal de Cultura del Conceyu de Xixón, Manuel Ángel Vallina, la xerente de Divertia, Lara Martínez, el secretariu xeneral de la Cámara de Comerciu de Xixón, Álvaro Alonso, y la directora de Metrópoli, Suca García.
Toos ellos destacaron la importancia que tien esti eventu pa la ciudá, yá que dende’l Conceyu afirmen qu’el so sofitu “nun ye namá económicu”. Pela so parte, Alonso calificó l’eventu como un exemplu de collaboración públicu-privada, col sofitu del Conceyu”, y Lara Martínez quixo apostar por un proyectu de futuru para la ciudá, nos que la cultura y l’ociu sían pilastres imprescindibles”.
Suca García foi la encargada de presentar l’eventu más esperáu pa los xixoneses, tres estos dos años de pandemia: un festival per tolo alto, apináu de conciertos, que va cuntar acaldía con un mínimu de dos actuaciones, y per onde van pasar grupos bien representativos del panorama nacional ya internacional, amás de cuntar cola fiesta Bresh, un eventu nacíu n’Arxentina, que yá ye referente en tol mundu, y que va poner el broche final al eventu.
Mientres la primer fin de selmana va llevase a cabu la Tattoo Expo, un eventu que s’asitia como ineludible pa tolos amantes de la tinta nel Norte de España, y que llega a Xixón cargáu de novedaes.
Ente lo más destacao, el protagonismu que l’ANIME va tener esti añu. Dalgunos de los artistes más destacaos del panorama mundial lleguen a la Expo nun espaciu dedicáu a esti estilu de tatuaxe tan particular y que crea adeptos allá onde va. Más de 40 artistes van amosar les sos obres y creatividá tanto a los amantes d’esta cultura como a quien inda desconocen la espectacularidá de les sos creaciones.
Mientres esta primer fin de selmana, la sección Metropolitanes, un llugar d’alcuentru pa la conversación, les charres y los talleres qu’aboga pola igualdá de xéneru y un principiu de non discriminación per razón de sexu, va cuntar cola participación de la Youtuber Pretty and Olé, que va dar una charra’l vienres 1 a les 18 hores nel anfiteatru del Palaciu de Congresos. El día 2 van facer el escritores Alicia G. García y Verónica García-Peña, a les 19 hores, y de siguío, a les 20 hores, va ser la vez de la psicóloga Paula Marín. La ilustradora María Hesse va tar presente tamién en Metropolitanes, mientres la siguiente fin de selmana, coincidiendo cola Comic Con, onde va presentar el so últimu llibru.
Mientres estos diez díes tamién vamos cuntar con esposiciones como “Barbie La Exposición de Cine y Tv”, “Yo Fui a EGB La Expo”, “Qué Pop! soy?”, o “Rock and Roll Collection”. Y pa los más pequeños, vamos cuntar con una zona infantil, con distintes actividaes y atracciones pa poder esfrutar en familia. Una xornada perfecta pa compartir con amigos y familia, onde amás vas poder esfrutar de la meyor gastronomía, gracies a los foodtrucks partíos pola cortil, que van faer les delicies de los cielos la boca más esixentes.
Dientro de la Comic Con d’esti añu, que volverá ser l’alcuentru referente nel norte d’España, vamos cuntar cola presencia de numberosos autores, youtubers y actores, ente los que confirmamos la participación d’última hora de Tom Wlaschiha, l’actor que da vida a Dmitri na temporada 4 de “Stranger Things”.
Una fusión perfecta de música, charres, alcuentros, conferencies, entevistes, espectáculos y espositores, colos que vamos cuntar nesta amuesa na que volvemoscontodo, tres estos dos años d’andanciu.
Para más información, descargar el programa de mano, según pa la compra d’entraes y abonos, puedes entrar en www.metropoligijon.com
