Xixón al día

Etiqueta: PSOE

  • Maria Jesús Álvarez y Mercedes Otero, senadores per designación autonómica

    Maria Jesús Álvarez y Mercedes Otero, senadores per designación autonómica

    El Plenu de la Xunta Xeneral designó esti miércoles a María Jesús Álvarez y a Mercedes Otero senadores por designación autonómica. María Jesús Álvarez foi presidenta del parllamentu asturianu, diputada autonómica, conseyera de Desenvolvimientu Rural y conceyala en Pravia. Mercedes Otero, secretaria d’Estratexes contra’l Despoblamientu de la Federación Socialista Asturiana, foi vicealcaldesa d’Ayande y secretaria xeneral de l’Agrupación Socialista del conceyu.

    María Jesús Álvarez y Mercedes Otero fueron proclamaes senadores por designación autonómica col votu favoratible de los diputaos de la FSA-PSOE. La so designación foi propuesta’l día 23 de payares pola Comisión Executiva Autonómica del partíu.

  • Los socialistes de Xixón sofiten l’alcuerdu de gobiernu con Xuníes Podemos

    Los socialistes de Xixón sofiten l’alcuerdu de gobiernu con Xuníes Podemos

    Los militantes del PSOE en Xixón sofitaron mayoritariamente l’alcuerdu de gobiernu de coalición algamáu ente Pedro Sánchez y Pablo Iglesias. Na consulta, na que se podía participar presencialmente y al traviés d’internet, votó’l 45,66% de la militancia. El sí foi la opción más escoyida, con un 85,49% del total de votos emitios. El 12,76% de los participantes refugaron l’alcuerdu. Amás, contabilizáronse un 1,5% de votos en blanco y un 0,25% de votos nulos. Nel casu específicu de la votación presencial, la opción del sí sumó 442 papeletes, mientres qu’hebo 66 votos en contra.

  • El PSOE tamién s’impon ente los asturianos nel esterior

    El PSOE tamién s’impon ente los asturianos nel esterior

    El PSOE impúnxose tamién nel votu esterior n’Asturies al recibir 2.144 papeletes que sofitaron la so candidatura al Congresu, un 34,3% del total. La coalición de PP-Foru sumó 1.232 papeletes; Xuníes Podemos, 908; Vox, 798; Ciudadanos, 522; Más País, 215 y el Partíu Animalista, 124 votos. Según los datos validaos esta tarde pola xunta electoral, nos comicios del pasáu domingu participaron 6.252 asturianos rexistraos nel censu de residentes ausentes, conocíu como CERA. Nel casu del Senáu, los candidatos del PSOE tamién fueron los que rexistraron el mayor volume de sofitos: Francisco Blanco (2.226 votos), María Fernández (2.258 votos) y Fernando Lastra (1.845 votos).

  • Sánchez ya Iglesias algamen un prealcuerdu de gobiernu de coalición

    Sánchez ya Iglesias algamen un prealcuerdu de gobiernu de coalición

    Pedro Sánchez y Pablo Iglesias tan acabantes d’anunciar un peralcuerdu de gobiernu de coalición. El presidente del Gobiernu en funciones y candidatu del PSOE y el secretariu xeneral de Podemos comparecieron esti meudía ente los medios nel Congresu de los Diputaos. Dambos llíderes roblaron un documentu sobre’l van trabayar nes vinientes selmanes.

    «Esti alcuerdu pa un gobiernu progresista ye de llexislatura, pa un gobiernu de cuatro años que  va tar basáu na llealtá», esplicó Sánchez tras roblar el prealcuerdu con Pedro Sánchez. El presidente del Gobiernu en funciones aseguró que’l pactu con Xuníes Podemos «naz col enfotu d’abrise a otres fuercies polítiques». Dambos llíderes refiriéronse a esti prealcuerdu como un momentu «ilusionante».

  • La Comisión de Facienda da lluz verde al ‘IBI pa ricos’

    La Comisión de Facienda da lluz verde al ‘IBI pa ricos’

    La Comisión de Facienda dio lluz verde al proyectu d’ordenances fiscales pal próximu añu 2020, colos votos a favor de PSOE, Podemos-Equo ya Izquierda Xunida. La conceyala del ramu, Marina Pineda, comunicó ayeri que l’equipu de Gobiernu algamó un alcuerdu con Podemos-Equo qu’inclúi «pequenos cambeos del proyectu, pero nun alteria la esencia del mesmu».

    Nesti sentíu caltien el tipu de IBI diferenciáu del 0’79, según la medría del tipu para Bienes con Característiques Especiales y les tarifes propuestes para EMA, EMULSA, EMTUSA y el Patronatu Deportivu Municipal, por casu. El gobiernu municipal aceptó les enmiendes presentaes por Podemos-Equo pa caltener la bonificación pa vehículos históricos y de más de 25 años; caltener la tarifa de ORA pa residentes; y acometer axustes na organización del serviciu d’ayuda a casa. Tampoco se va xubir la tasa por tenencia d’animales de races potencialmente peligroses.

    El gobiernu municipal algamó un compromisu con Podemos-Equo para encetar l’alderique presupuestariu «ensin llínees encarnaes nin chantaxes», esplicó. Pineda tamién señaló que, sicasí, la negociación presupuestaria ta abierta al restu de grupos políticos municipales.

  • Reconocimientu a los socialistes de Xixón na Fiesta de la Portiella de Llanes

    Reconocimientu a los socialistes de Xixón na Fiesta de la Portiella de Llanes

    L’agrupación socialista de Llanes reconoció esti domingu’l trabayu del PSOE xixonés pa recuperar l’Alcaldía de la ciudá. Fízolo mientres la celebración de la Fiesta de la Portiella, que se vien celebrando dende fai 40 años nel conceyu. Tolos años reconoz la figura d’aquellos que lluchen polos valor socialistes. Nesta edición recayó na Agrupación Xixonesa de Xixón y nel sindicatu SOMA-FITAG-UXT. La organización llanisca quixo reconocer el so trabayu por «rescatar al Xixón solidariu, progresista, innovador, feminista y abiertu que toos deseyamos».

    El Secretariu Xeneral de l’Agrupación xixonesa, Iván Fernández Ardura, foi l’encargáu de recibir el pergamín y la placa conmemoratives y treslladó l’agradecimientu en nome de tola militancia. En palabres de Ardura, ellos «son la base del proyectu xixonés que llogró recuperar l’Alcaldía de la ciudá». «Creemos na política que puede tresformar la vida de les persones y que nun caiga na resignación», aseguró Ardura.

    Ardura pide’l votu pal PSOE porque «ye la única fuerza que puede faer que la sociedá ameyore»

    El secretariu xeneral xixonés tamién insistió na importancia de caltenese «fuertes y xuníos» de cara a estes nueves elecciones porque «el PSOE ye la única fuerza que puede faer que la sociedá ameyore». Por eso, animó a tolos presentes a siguir trabayando de cara a la próxima campaña electoral. «Nestes elecciones tengamos una mayoría abonda y que Pedro Sánchez pueda tender un gobiernu estable que pueda trabayar pa solucionar los problemes del nuesu país».

    Nel actu tamién taben Juan Cofiño, Vicepresidente y Conseyeru d’Infraestructures, Medio Ambiente y Cambéu Climáticu del Principáu d’Asturies; Gimena Llamedo, Secretaria d’Organización de la FSA-PSOE y el Secretariu Xeneral de Llanes, José Manuel Herrero.  Llamedo destacó’l trabayu de l’agrupación asegurando que son «un espeyu nel que mirase». «Tres ocho na oposición, llogróse recuperar l’enfotu de la ciudadanía y el gobiernu de la ciudá». Tamién tuvo palabres d’agradecimientu pal SOMA-FITAG-UXT y el «so trabayu pola defensa de los trabayadores» y que nunca tatexó pa pidir el votu para’l partíu socialista.

  • En directo: Pedro Sánchez presenta la so propuesta de gobiernu

    En directo: Pedro Sánchez presenta la so propuesta de gobiernu

  • La militancia d’IX sofita’l preacuerdo de Gobiernu col PSOE

    La militancia d’IX sofita’l preacuerdo de Gobiernu col PSOE

    Lluz verde al alcuerdu de gobiernu de PSOE ya IX. La militancia de la coalición dio’l vistu bonu a la entrada d’Aurelio Martín nel equipu de Gobiernu como conceyal de Movilidá y Mediu Ambiente. La consulta celebrada esti domingu tuvo marcada pola baxa participacion. Un total de 180 persones exercieron el so derechu a votu d’un total de 785 llamaos a participar, el 22% del total. La resultancia del escrutiniu reflexó qu’un 92,22% de votos a favor del la propuesta, el 6,66% votó en contra, y el 1,11% votaron pola astención.

    Faustino Sabio, coordinador local, valoró la resultancia de la consulta positivamente: «El conxuntu d’IX Xixón manifestóse por abrir un nuevu ciclu políticu d’esquierdes na ciudá y empobinala escontra’l desenvolvimientu de polítiques centraes n’ameyorar la vida del conxuntu de la ciudadanía, dar respuesta a los retos económicos, ecolóxicos y sociales que tienen güei les nueses sociedaes, y pallo consideraron indispensable la participación d’IX nel Gobiernu de Xixón».

  • Aurelio Martín asumirá Movilidá y Mediu Ambiente

    Aurelio Martín asumirá Movilidá y Mediu Ambiente

    Aurelio Martín va asumir les competencies de Movilidá y Mediu Ambiente. El representante de Xixón por la izquierda va asumir esta nueva conceyalía dempués d’algamar un alcuerdu de gobiernu col PSOE. L’alcuerdu tien de ser ratificáu’l 26 de xunetu en votación presencial n’agrupación llocal d’Izquierda Xunida.

    El documentu alcordáu contempla que l’edil de la coalición formada por Izquierda Xunda ya IAS asuma la responsabilidá en materia de preservación del mediu ambiente, urbanu y rural, protección de la naturaleza y recuperación de la zona costera. D’esta manera, Martín responsabilizaráse de la finalización del Plan de Xestión de Borrafes del conceyu. L’edil tamién va asumir les cuestiones venceyaes a la planificación y la xestión de la movilidá. Amás, incorporaráse como vicepresidente d’Emtusa y la Empresa Mista de Tráficu y presidente del Centru de Tresportes.

  • Pedro Sánchez da por rotes les negociaciones con Podemos

    Pedro Sánchez da por rotes les negociaciones con Podemos

    Pedro Sánchez, aseguró esti llunes que Pablo Iglesias dio por rotes «unilateralmente» les negociaciones col PSOE pa la investidura. El presidente del Gobiernu en funciones criticó la consulta «trucada» de la formación morada a les sos bases. «Quier xustificar una votación contraria a la mio investidura, coincidiendo cola ultraderecha». «Yo toi nel escenariu d’esperar a ver qué fai Iglesias, si quier o nun votar, xuntu cola uiltraderecha, contra un presidente d’esquierdes», añadió, nuna entrevista concedida a la Cadena SER.

    Sánchez esplicó que’l PSOE ufiertó a Podemos hasta 5 propuestes distintes, y «Iglesias dixo que non a too». La postrera, la incorporación de persones de Xuníes Podemos de perfil técnicu al Conseyu de Ministros, la primer vegada que se fai una ufierta d’esta naturaleza en 40 años de democracia. Sicasí, esplicó qu’esa postrera propuesta «nun ta recoyida na consulta», polo que se trata d’una entruga «falsa».

    «Nun soi una persona de vetos, pero nun voi aceptar imposiciones», dixo Sánchez, quien añadió que «una de les xeres del presidente ye faer el so equipu. Pueden proponeme nomes pero tengo que tener la capacidá de poder decidir sobre les persones que van incorporase al mio Conseyu de Ministros».

    El líder socialista señaló qu’ente Podemos y el PSOE esisten munches coincidencies pero tamién «enormes discrepancies» sobre la cuestión catalana. «Eso esixe de cohesión interna al máximu pa encarar un potencial desafíu al Estáu», apuntó. Unes diferencies que pueden «sortease con Gobiernu de cooperación», apuntó.

    Coles mesmes, Sánchez remarcó qu’España «precisa gobiernu un gobiernu progresista que nun dependa de los independentistes» y por eso volvió apellar a PP y a Cs. «Son 2 partíos que dicen ser d’Estáu y querer la estabilidá d’esti país y por eso tienen qu’asumir la so responsabilidá». «El primer Pactu d’Estáu tien de ser qu’haya gobiernu», dixo. Tamién alvirtió de que la so candidatura acaba tres el mes de xunetu. «Nun hai segundes partes». Nesti sentíu, aportunó en que «nun hai alternativa». «Iglesias va tener qu’asumir o non la responsabilidá de votar a un presidente de la izquierda».