Xixón al día

Etiqueta: Gobiernu d’Asturies

  • L’Idepa concede 681.250 euros n’ayudes a autónomos y pymes pa favorecer el desarrollu empresarial y la innovación

    L’Idepa concede 681.250 euros n’ayudes a autónomos y pymes pa favorecer el desarrollu empresarial y la innovación

    L’Institutu de Desarrollu Económicu del Principáu (Idepa) concedío 681.250 euros n’ayudes a 151 proyectos empresariales que van movilizar una inversión inducida de 1,3 millones.

    Les subvenciones van enmarcase nel Programa de Cheques, orientáu a ameyorar la competitividá de las firmes medianes y pequeñes al travíes de la contratación de servicios tecnolóxicos y de consultoría ufiertaos per centros o empreses especializaes nos campos de la Estratexia de Especialización Intelixente (S3). Esta planificación prioriza les llinies d’actuación de les polítiques del Gobiernu d’Asturies nes árees económiques nes que la rexón tien ventaxes competitives.

    La convocatoria cunta con dos llinies complementaries. La primera correspuende a los cheques d’innovación, con acciones subvencionables qu’incluyen asesoramientu tecnolóxicu, dixitalización de la empresa y consultoría pa la certificación y diseñu.

    La segunda, denominada cheques pal desarrollu empresarial, inclúi la xestión del protocolu familiar, la profesionalización na xestión, el crecimientu y el siguimientu empresarial.

    Pa la primera modalidá aprobáronse 129 solicitudes con una subvención global de 621.250 euros, mientres que nel apartáu de desarrollu empresarial destináronse 60.000 euros a 22 iniciatives. Son resultaos asemeyaos a los algamaos na convocatoria del añu pasáu.

  • El Principáu destina 130.000 euros a les Agrupaciones de Defensa Sanitaria Ganadera d’Asturies pal control d’enfermedaes

    El Principáu destina 130.000 euros a les Agrupaciones de Defensa Sanitaria Ganadera d’Asturies pal control d’enfermedaes

    El Boletín Oficial del Principáu (Bopa) publica güei la resolución de concesión de les ayudes pa executar programes sanitarios que realicen les Agrupaciones de Defensa Sanitaria Ganadera d’Asturies (ADSG), integraes por pequeñes y medianes esplotaciones n’activu. Ventidós entidaes de los sectores ganaderu, apícola y de acuicultura continental van beneficiase d’estes subvenciones.

    La finalidá d’estes ayudes ye contribuyir a la meyora cuantitativa y cualitativa de les producciones ganaderes por aciu la implantación y execución d’un programa sanitariu. Con ello contribúi a ameyorar la rentabilidá de les esplotaciones, l’axilidá comercial y la calidá sanitaria, mesmo na llucha y erradicación d’enfermedaes que nel caltenimientu y creación d’estructures defensives énte’l riesgu d’apaición y espardimientu de patoloxíes exótiques.

    El Gobiernu d’Asturies sufraga con estes ayudes los costos de les actuaciones de prevención, control, llucha o erradicación d’enfermedaes en qu’incurren les entidaes pal desenvolvimientu de los sos programes sanitarios.

    Estes agrupaciones son clave pa garantizar el bon estáu de la cabana asturiana y el so trabayu súmase al que realiza la Conseyería de Mediu Rural y Cohesión Territorial, que permite alzar el estatus sanitariu de les ganaderíes teniendo en cuenta aspectos rellacionaos col bienestar animal y col control y vixilancia de les enfermedaes.

    Les entidaes tienen del 1 al 15 de payares pa realizar la xustificación d’estes ayudes.

    El resolvimientu puede consultase nel siguiente enllaz https://cutt.ly/ZRAqULu

  • El Gobiernu d’Asturies autoriza la prórroga de 868 ERTE Covid

    El Gobiernu d’Asturies autoriza la prórroga de 868 ERTE Covid

    La Dirección Xeneral d’Empléu y Formación, como autoridá llaboral nel Principáu, autorizó la prórroga de 868 espedientes de regulación d’empléu rellacionaos cola covid-19, qu’impliquen a 6.748 persones trabayadores.

    D’ellos, 809 correspuenden a causes de fuerza mayor y 59, a motivaciones económiques, técniques, operatives o productives (ETOP). En dambos casos trátase de prórrogues solicitaes poles mesmes empreses d’alcuerdu col Real Decretu 18/2021 de midíes urxentes pa la protección del empléu, la recuperación económica y la meyora del mercáu de trabayu, que dexa la estensión de los ERTE vinculaos a la pandemia hasta febreru del 2022.

    Por sectores, los servicios concentren les más de les prórrogues (747), siguíos pola industria (111) y la construcción (10). Sicasí, por persones implicaes produzse ciertu equilibriu ente servicios e industria, porque nesti últimu sector concéntrense los espedientes ETOP, menores en númberu que los de fuerza mayor pero qu’incluyen a más persones trabayadores.

    Por actividaes, el 26,54 % de los trabayadores afectaos tán rellacionaos con empreses d’hostelería y hotelería y el 25,6 %, a compañíes del sector metalúrxicu y la fabricación de productos metálicos.

    El númberu total de trabayadores incluyíos nos ERTE (6.748 persones) correspuende a los datos declaraos nes sos solicitúes poles empreses, que nun tienen la obligación de comunicar a l’autoridá llaboral autonómica, y sí al Ministeriu de Trabayu, la llista de persones afectaes. Sicasí, el Principáu incluyó nel modelu de solicitú un espaciu onde facilitar esta cifra pa tener una estimación de les persones incluyíes. Por ello, los trabayadores identificaos nes solicitúes aprobaes nun tienen por qué tar necesariamente en regulación d’empléu, sinón que namás les empreses tienen l’autorización pa ello en función de les sos necesidaes.

    El director xeneral d’Empléu y Formación, Pedro Fernández-Raigoso, esplicó qu’estos datos representen “un descensu claru nel númberu d’espedientes que van estendese hasta’l 28 de febreru, tanto si se compara col de les autorizaciones vixentes como colos espedientes utilizaos efectivamente el mes pasáu”.

    Según los datos de la Seguridá Social, el 30 de setiembre había n’Asturies 1.814 empreses con ERTE autorizaos y 3.908 persones trabayadores efectivamente regulaes d’empléu.

  • El Gobiernu d’Asturies autoriza un gastu de 800.000 euros p’anovar los sistemes de grabación de 22 sales de vistes de xulgaos

    El Gobiernu d’Asturies autoriza un gastu de 800.000 euros p’anovar los sistemes de grabación de 22 sales de vistes de xulgaos

    El Gobiernu d’Asturies va ameyorar los sistemes de grabación de 22 sales de vistes de xulgaos y va integrase col sistema informáticu de xestión procesal Minerva, que remanen los profesionales de xusticia. L’Executivu autonómicu autorizó un gastu de 803.290 euros, el creitu asignao al Principáu nel repartu de los 27 millones de fondos europeos destinaos a les comunidaes pa financiar la primer fase del Plan de Xusticia 2030, relativa a la implantación d’infraestructures dixitales homoxénees y interoperables en tol territoriu nacional.

    Esta midida, que va facilitar les interacciones telemátiques, contempla la renovación de les infraestructures de les 22 sales de los órganos xudiciales pendientes, una y bones les d’Uviéu, Xixón y Avilés cunten con un sistema nuevu dende’l 2019.

    L’actuación enmárcase nel Plan de Xusticia 2030 qu’impulsa’l Ministeriu de Xusticia en cogobernanza coles autonomíes pa diseñar cómo ha ser l’alministración xudicial na década que vien. Esti programa busca tresformar esti serviciu públicu pa facelu más accesible, eficiente y contribuyir al esfuerciu común de cohesión y sostenibilidá.

    Asturies participa anguaño en trés iniciatives piloto rellacionaes cola tresformación dixital, la meyora organizativa y de los procesos, l’accesibilidá, la eficiencia, la seguranza y la sostenibilidá. Asina, tolos órganos xudiciales de la xurisdicción social y de la contencioso-alministrativa formen parte del programa Acceda Xusticia, pa facilitar la comunicación y acurtiar los tiempos qu’implica, por exemplu, el procesu de pidimientu de copies d’espedientes.

    Otra manera, dos órganos xudiciales participen nel proyectu de perfeccionamiento del proyectu de testualización de grabaciones, pa la conversión a testu de la voz recoyida nuna grabación. Otra de les midíes d’implantación recién son les notificaciones automátiques a profesionales.

  • Asturies va coordinar les comunidaes de la España Verde cola mira de reactivar el mercáu internacional na cornisa cantábrica

    Asturies va coordinar les comunidaes de la España Verde cola mira de reactivar el mercáu internacional na cornisa cantábrica

    Asturies va coordinar l’añu que vien el trabayu de les cuatro comunidaes que formen parte de la marca España Verde coles mires de reactivar el mercáu internacional na cornisa cantábrica y retomar la medría del turismu estranxeru tres del impactu de la pandemia.

    La viceconseyera de Turismu, Graciela Blanco, participó esta selmana nuna xunta de siguimientu celebrada colos directores xenerales del ramu de Galicia, Nava Castro, y de Cantabria, Marta Barca; el viceconseyeru d’Euskadi, Jesús María García, y la subdirectora xeneral de Marketing Esterior de Turespaña, Blanca Pérez-Sauquillo. Nesi alcuentru afitáronse les llinies de trabayu principales pal exerciciu viniente.

    “La España Verde va reactivar la so promoción internacional, reforzando los productos colos que trabayemos de manera conxunta nestos últimos años, como la gastronomía, el surf, la naturaleza y los itinerarios del Norte del Camín de Santiago”, esplicó Blanco.

    Amás, a esta estratexa va sumase una iniciativa nueva: La gran ruta de la España Verde, que busca dar más proyección a les cuatro comunidaes del norte al traviés d’un itinerariu de percorríu llargu.

    España Verde ye la marca territorial llanzada en 1989 por Galicia, Asturies, Cantabria y Euskadi, col sofitu de Turespaña, p’asitiar la cornisa cantábrica como destín turísticu alternativu nel mercáu internacional. Estes cuatro autonomíes son líderes nel turismu de naturaleza y cunten con 14 reserves de la biosfera, 25 parques naturales, cuasi 2.000 quilómetros de costa y 2.800 agospedamientos rurales.

  • El Principáu y l’Ayuntamientu de Cangues d’Onís firmen el conveniu p’acometer el saneamientu de Mestas de Con, con una inversión de cuasi dos millones

    El Principáu y l’Ayuntamientu de Cangues d’Onís firmen el conveniu p’acometer el saneamientu de Mestas de Con, con una inversión de cuasi dos millones

    Juan Cofiño, vicepresidente y conseyeru d’Alministración Autonómica, Mediu Ambiente y Cámbeu Climáticu y l’alcalde de Cangues d’Onis, José Manuel González, firmaron ayeri’l conveniu de collaboración p’ameyorar el sistema de saneamientu y depuración d’agües residuales de Mestas de Con enantes del so vertíu al ríu Güeña. Les dos alministración van invertir 1.950.054 euros nesta iniciativa.

    La Conseyería de Mediu Ambiente va encargase de la financiación y execución del proyectu de saneamientu, al que va destinar 1.539.195 euros y les obres van contar con financiación del programa operativu del Fondu Européu de Desarrollo Rexonal (FEDER).

    En virtud del acuerdo, la Consejería de Medio Ambiente se encargará de la financiación y ejecución del proyecto de saneamiento, al que destinará 1.539.195 euros distribuidos en varias anualidades: 250.000 este año, 786.000 en 2022 y 503.195 en 2023. Las obras contarán con financiación del programa operativo del Fondo Europeo de Desarrollo Regional (Feder). Esti proyectu tamién inclúi un bombéu y un aliviaderu, infraestructures hidráuliques necesaries pal bon funcionamientu del sistema de saneamientu.

    L’Ayutamientu de Cangues d’Onís va financiar con 160.619 euros el proyectu d’anovación de los colectores de la zona, qu’incluyen l’interceptor del ríu Tabardín, l’aliviaderu y los colectores embaxo del ríu Güeña, que recueyen los vertidos de les edificaciones situaes nel borde del calce, al so pasu per Mestas de Con. El plazu d’execución previstu ye de cuatro meses.

  • El Centru Européu d’Empresas llanza la cuarta edición del programa Se busca CEO pa la consolidación de compañíes emerxentes

    El Centru Européu d’Empresas llanza la cuarta edición del programa Se busca CEO pa la consolidación de compañíes emerxentes

    El Centru Européu d’Empreses ya Innovación (CEEI) llanza la cuarta edición del so programa Se busca CEO, una propuesta singular que quier el’afitamientu n’Asturies de compañíes emerxentes (startups) por aciu la incorporación d’un director executivu. La iniciativa foi presentada esta mañana pol conseyeru de Ciencia, Innovación y Universidá, Borja Sánchez, y la directora del CEEI, Cristina Fanjul.

    El programa, pioneru na comunidá, enceta’l fortalecimientu de startups altamente innovadores col fin de crear equipos completos y multidisciplinares, que aúnen perfiles de xestión o comerciales con tecnolóxicos, y tean alliniaos colos proyectos estratéxicos de crecimiento de la empresa.

    La xornada de llanzamientu d’esta nueva edición celebróse en formatu mistu, presencialmente dende’l salón d’actos del edificiu CEEI nel Parque Tecnolóxicu d’Asturies, y retresmitida telemáticamente al traviés de la so canal de YouTube.

    El conseyeru de Ciencia destacó la importancia de constituyir equipos multidisciplinares y con persones cualificaes que tengan capacidá de llideralgu y tean al tanto de les meyores tecnolóxiques y de les demandes del mercáu.

    Otramiente, la directora del CEEI recordó que nos trés años d’andadura del programa participaron 91 persones, 47 empreses y 44 candidatos a CEO. Amás, llogróse fortalecer los equipos de 23 compañíes.

    Pela so parte, el consultor Miguel Morán ufiertó la conferencia Construcción y puesta en marcha d’equipos motores, sobro la importancia de la meyora del rendimientu por aciu la xestión eficiente del talentu de les persones. Amás, la empresa Sunthalpy, una startup participante na anterior edición del proyectu, presentó la so esperiencia.

    El programa Se busca CEO diríxese, per un sitiu, a empreses de recién creación y entamadores con proyectos altamente innovadores, que busquen crecer y completar los sos equipos incorporando la figura d’un CEO, mesmo qu’a empreses más consolidaes, que sopesen la puesta en marcha de proyectos d’intraemprendimientu basaos na innovación y la tecnoloxía y quieren reclutar talentu.

    Per otru llau, tamién son candidates a participar persones con preocupaciones entamadores, interesaes n’integrase n’equipos promotores y apurrir les sos competencies al desenvolvimientu d’una startup, que demuestren alta capacidá de desenvolvimientu, proactividá y disposición a ufiertar el máximu grau de compromisu.

    La duración del programa ye de 23 selmanes y estrémase en trés fases progresives. La empresa RHO Group, esperta en potenciar el crecimientu de les compañíes al traviés de la meyora del rendimientu, va encargase d’impartir la formación.

    El programa tien places llimitaes y el plazu pa la presentación de solicitúes va tar abiertu hasta’l vienres 29 d’ochobre.

    El CEEI creó una web na que puede consultase tola información :www.ceei.es/sebuscaceo

  • El Gobiernu d’Asturies analiza les propuestes presentaes por espertos n’urbanismu al anteproyectu de Llei del Territoriu

    El Gobiernu d’Asturies analiza les propuestes presentaes por espertos n’urbanismu al anteproyectu de Llei del Territoriu

    La Conseyería de Mediu Rural y Cohesión Territorial analiza más de 15.000 respuestes llograes na encuesta técnica presentada nel procesu de participación ciudadana de la nueva Llei d’Ordenación Integral del Territoriu d’Asturies (LOITA). En total, contestáronse 241 formularios nos meses d’agostu y setiembre.

    Les entrugues formuláronse a técnicos de les alministraciones local y autonómica, amás d’a colexos profesionales y otros colectivos de distinta índole, como asociaciones empresariales o ganaderes.

    La directora xeneral d’Ordenación del Territoriu y Urbanismu, Sonia Ponte Landázuri, amosó güei el so prestu pola implicación nesta encuesta. “Non yá llogremos una elevada participación, sinón que les persones que participaron punxeron empeñu, respondiendo con casos prácticos y apurriendo información de valor que nos ta resultando de gran utilidá nel procesu de redacción de la llei”, señaló.

    Una de les principales conclusiones de la consulta ye’l pidimientu xeneralizáu pa que’l Gobiernu d’Asturies tenga un papel más activu na ordenación del territoriu, col desenvolvimientu de planes intermunicipales. Asina, el 87% de les persones encuestaes considera aconseyable la tramitación de planes territoriales d’estes característiques, qu’organicen les estratexes al respective de les infraestructures, los asentamientos, el suelu rústicu o l’actividá económica, ente otros. Amás, el 61% cree que la llexislación actual inclúi conteníos claramente obsoletos.

    El 77% de los espertos n’ordenación territorial y urbanismu tamién s’amuesen favorables a delimitar árees funcionales qu’arrexunten a dellos conceyos vecinos y de característiques similares, y que’l Principáu trate l’aprobación d’un preséu d’ordenación pa caúna d’elles. La ellaboración de guíes que faciliten la execución de los planes urbanísticos per parte del Executivu autonómicu espertó gran interés, con un 88% d’avales, y el 94% de les respuestes plantega que’l Principáu tien d’implicase más na xestión del suelu non urbanizable.

    Simplificación alministrativa y reducción de tiempos

    La simplificación alministrativa y la mengua del tiempu de tramitación son los cambeos que técnicos y profesionales asturianos consideren más necesarios, siguíos por una mayor sostenibilidá y una planificación más fonda de les actividaes económiques. Nesti sentíu, la mayoría de los encuestaos ta “bien d’alcuerdu” (con un promediu de 4,34 sobro 5) con que delles partes de los planes xenerales d’ordenación puedan modificase al traviés de procedimientos cenciellos. Amás, el 73% sofita que los conceyos pequeños y de menor complexidá territorial puedan aprobar un plan xeneral más simple.

    L’apueste pola rehabilitación frente a la construcción nueva ye prácticamente unánime, con un 95% de los encuestaos a favor. Otros datos de valor llograos tienen que ver coles edificaciones tradicionales: el 57% de les respuestes sofita que les cortes o cabanes en suelu non urbanizable tengan dalgún usu, siempres qu’eso nun suponga una carga económica pa l’Alministración.

    Los resultaos íntegros de la encuesta puen consultase na páxina web de la LOITA (https://cutt.ly/8Rfq3Kr). Amás, nos próximos díes, la Conseyería de Mediu Rural y Cohesión Territorial va llanzar una nueva encuesta nesti ámbitu dirixida a la ciudadanía.

  • El Gobiernu d’Asturies va conxelar el sueldu a altos cargos y personal de gabinete

    El Gobiernu d’Asturies va conxelar el sueldu a altos cargos y personal de gabinete

    Una cuestión de técnica presupuestaria esplica la diferencia d’un 2% ente les retribuciones reflexaes nes cuentes vixentes en xineru d’esti añu y les previstes pal próximu exerciciu.

     

    El Gobiernu d’Asturies va caltener conxelaes les retribuciones d’altos cargos y personal de gabinete en 2021, como yá anunció’l mes pasáu. Nun hai nengún cambéu de criteriu al respectu, salvo que l’Executivu considera que l’aumentu salarial sería insolidariu na situación actual, con miles de persones perxudicaes poles consecuencies de la pandemia.

    Una cuestión de técnica presupuestaria esplica la diferencia del 2% ente les
    retribuciones reflexaes nes cuentes vixentes en xineru d’esti añu y les previstes pal próximu exerciciu. Asina, los sueldos de los empleaos públicos xubieron un 2% esti añu al respective de 2019. Sicasí, esa medida nun apaecía reflexada nel capítulu 1 de les cuentes de 2020 a fecha 1 de xineru, sinón que s’incorporó un mes dempués, en febreru, una vegada recibida l’autorización correspondiente per parte del Gobiernu d’España. Hasta esi momentu, la cantidá pertinente pa encarar l’aumentu acutase na sección 31 del presupuestu, onde s’inclúin los gastos de diverses conseyeríes y órganos de gobiernu. Por esta razón, de simple calter procedimental, apréciase una midía del 2% ente los sueldos d’altos cargos y personal eventual al comparar esti apartáu nel proyectu de presupuestos pa 2021 y l’aprobáu pa esti exerciciu. La conxelación salarial va afectar a los titulares de les conseyeríes, viceconseyeríes y direcciones xenerales, según al personal de gabinete y a quien dirixen empreses o entidaes dependientes de l’Alministración autonómica. Tratar d’actuar con responsabilidá, coherencia y solidaridá nunes circunstancies tan difíciles como les actuales, cuando resulta tan necesariu destinar recursos públicos pa compensar a los sectores estropiaos poles llimitaciones a l’actividá económica, como’l pequenu comerciu o la hostelería.

     

  • Barbón: “Tamos meyor qu’otres comunidaes”

    Barbón: “Tamos meyor qu’otres comunidaes”

    El presidente del Gobiernu asturianu, Adrián Barbón, defendió esti domingu l’aplicación de midíes «drástiques y contundentes» pa frenar la espansión del coronavirus n’Asturies. Nesti tipu de decisiones entren l’aplazamientu del entamu del cursu escolar como l’alerta naranxa qu’afecta a cinco conceyos del Oriente. «Meyor prevenir que llamentar», afirmó’l xefe del Executivu n’unes declaraciones realizaes en La Pola Llaviana. Per otru llau, l’Executivu autonómicu va solicitar llueu la collaboración de rastreadores militares para reforzar el so equipu de vixilancia contra la Covid-19.

    Barbón refugó les crítiques a les midíes adoptaes pol so gobiernu, n’especial aquelles qu’invoquen la bona situación epidémica d’Asturies. «Nun tomemos midíes drástiques anque temos en meyor situación epidemiolóxica, tamos meyor porque tomamos midíes drástiques», argumentó. Son decisiones que, reconoció’l presidente, pueden resultar cafiantes. Ye’l casu del retrasu, mientres ocho díes lectivos, del arranque del cursu. Barbón aseguró entender, pero esplicó que optóse por esta midida porque la epidemia empioró. Les andaes en xunetu fueron mínimes y anguaño, la media diaria ronda los 40 casos. El Gobiernu asturianu enfótase agora en conocer la evolución mientres la primera quincena de setiembre.

    «A mi tamién me gustaría tener toles certidumes», manifestó Barbón, pero «la realidá ye que sigue habiendo muncho desconocimientu sobre’l virus. Va ser necesariu dir tomando decisiones en función de la evolución epidémica». Al respective de la enseñanza, el Gobiernu asturianu pretende asegurar el derechu a la educación nes meyores condiciones de seguridá posibles. El presidente afirmó que l’amenorgamientu de ratios y la contratación de 860 profesores más va esixir un esfuerzu presupuestariu «ensin comparanza na nuesa hestoria».