Esperanza Sorribas, la lloca de les palombes(que, obviamente, nun taba lloca). Yera de Mieres pero vivía en Xixón. Solía alimentar a les palombes y a los gatos y amás de tener un guapu nome, yera poetisa. Escribía les sos poesíes en papeles y vendíeles a dalguna llibrería. Tamién escribía cartes nel periódicu local y gustába-y inventase poesíes sobre les persones coles que falaba, que yeren munches porque ella yera bien sociable.
Esperanza siempres yera atenta. Vistía d’una forma bien elegante y como d’otros tiempos, col so pelo blancu, los sos güeyos azules y los ses palombes siempres alredor. Una de les cares más conocíes y entrañables de Xixón, nun puede haber xixonés dalgunu que nun conociera a Esperanza Sorribas, más conocida como «Esperanza la de les palombes». Yera una habitual de la Plazuela, ellí sentábase a da-yos de comer a los palombes qu’hasta yeren siempres les mesmes y conocíeles pol so nome y dexaben que se-y xubieren enriba.
