El Parque Natural de Somiedu presentó güei nel stand del Principáu d’Asturies na feria FITUR 2024 que se celebra en Madrid los proyectos turísticos que tán desenvolviendo col Plan de Sostenibilidá. L’alcalde de Somiedu presentó les meyores del Plan que suponen una claru apueste pol turismu d’Esperiencies diversificador de l’actividá y como forma de llegar
a nuevos veceros buscando una mayor rentabilidá pa les empreses turístiques locales.
De siguío, la Xerencia del Plan Fernando Méndez-Navia y David Martínez esplicaron los proyectos del turismu d’esperiencia más innovadores desenvueltos:
Muros y Puertos de Somiedu. Se señalizaron y promocionaron un total de 11 percorríos cicloturistes: 4 puertos míticos de La Vuelta a España, y 7 “muros” desconocíos pal gran públicu, de curtiu percorríu y gran pendiente y dificultá, promoviendo’l ciclismu compatibilizando les mas conocíes finales de la Vuelta a España como La Farrapona o San Llorienzo con estos murios pal esfrute de tolos amantes del ciclismu promoviendo un paquete de pernocta del meyor ciclismu.
Brañes de Somiedu: Adquirióse una de les cabanas de teito más grandes y significatives
de la braña de La Pornacal col fin de rehabilitala y afaela por que forme parte d’un productu ecoturístico experiencial, que se va desenvolver en collaboración coles empreses turístiques de Somiedu consistente en que los visitantes del Parque al traviés d’una empresa turística y con guía puedan esperimentar pasar una nueche nuna cabana de teito d’escoba, ensin convertila nun agospiamientu sinón como una esperiencia de pasar una nueche tal que los ganaderos/as pasaben la nueche cuando yera necesariu pal manexu del ganáu, esplorando una posible solución alternativa al so usu actual y que dexen caltener el nuesu patrimoniu etnográficu.
WILDLIFESPAIN: Somiedu participa, al traviés d’una empresa local, na creación d’un productu turísticu experiencial d’observación de fauna que ta siendo sofitáu pola Secretaría d’Estáu de Turismu dientro del programa Esperiencies d’observación de fauna complementando y asitiando conjuntamente a España como referente del avistamientu de fauna nel restu del mundu apurriendo Somiedu al paquete’l nuesu emblema l’osu pardu y complementao al llobu cerval ibéricu, al llobu o a la utre presentes n’otros llugares d’España.
Somiedu Ecoturismo: Col sofitu del Plan preparóse un catálogu de la ufierta ecoturística de Somiedu. En 2020, el Parque Natural xunt´pse al Sistema de Reconocencia de la Sostenibilidá del Turismu de naturaleza na Rede Natura 2000 (SRSTNRN2000), y, por aciu un Conveniu de Collaboración cola Asociación de Ecoturismu n’España, acreditáronse so la marca “Soi ecoturista” un total de 5 empreses de turismu activu y 14 establecimientos d’agospiamientu. Los destinos y empreses del Club Ecoturismu n’España cumplen los requisitos ambiental y social qu’establez la Carta Europea de Turismu Sostenible n’Espacios Protexíos de la Federación EUROPARC, trabayando na sostenibilidá ya intentando asitiar el productu nel mercáu internacional llegando a otru públicu y añediendo valor a la ufierta de los agospiamientos trabayando coles asociaciones de turismu.
